चालू घडामोडी : 3 डिसेंबर 2016

केहकशा बसूला आंतरराष्ट्रीय बाल शांतता पुरस्कार

·        दुबईस्थित भारतीय वंशाची पर्यावरण कार्यकर्ती केहकशा बसू (वय १६ वर्षे) हिला आंतरराष्ट्रीय बाल शांतता पुरस्कार नुकताच प्रदान करण्यात आला आहे.

·        तिचे सगळे कार्य पर्यावरण क्षेत्रात असून एकूण ४५ देशांत फिरून तिने पृथ्वीच्या संरक्षणाचा संदेश पोहोचवला आहे.त्याबद्दल तिला हा पुरस्कार देण्यात आला.

·        दुबईत जन्मलेल्या केहकशाचे आईवडील भारतीय आहेत.

·        देयरा इंटरनॅशनल स्कूलची विद्यार्थिनी असलेल्या केहकशाने वयाच्या चौदाव्या वर्षी ‘ग्रीन होप’ ही संस्था संयुक्त अरब अमिरातीत सुरू केली.

·        आता ती संयुक्त राष्ट्रांच्या पर्यावरण कार्यक्रमाची जागतिक समन्वयक आहे.

·        अमेरिका, ओमा, नेपाळ, मेक्सिको, कोलंबिया, फ्रान्स या देशात पाच हजार झाडांची लागवड करण्याचा प्रयोग तिने केला.

·        केहकशा ही वर्ल्ड फ्युचर कौन्सिलची युवा दूत आहे.

·        तिचा जन्म पर्यावरण दिनी झाला असून प्रत्येक जन्मदिनी ती एक झाड लावते.

·        तिला आतापर्यंत शेख हमदान पुरस्कार व डायना पुरस्कारही मिळाला आहे.

---

उसेन बोल्टला, अल्माझ अयाना वर्ल्ड ऍथलेट ऑफ द इयर

·        जमैकाच्या उसेन बोल्टला पुरूष श्रेणीतील २०१६ चा वर्ल्ड ऍथलेट ऑफ द इयर पुरस्कार जाहीर झाला आहे.

·        त्याला हा पुरस्कार सहाव्यांदा मिळाला आहे. यापूर्वी २००८, २००९, २०११, २०१२, आणि २०१३ मध्ये त्याला हा पुरस्कार मिळाला आहे.

·        इथिओपियाची अल्माझ अयाना हिला महिला श्रेणीतील २०१६ चा वर्ल्ड ऍथलेट ऑफ द इयर पुरस्कार जाहीर झाला आहे.

·        इंटरनॅशनल असोसिएशन ऑफ ऍथलेटिक्स फेडरेशन मार्फत हा पुरस्कार दिला जातो.

---