आंबेडकर स्वाधार योजनेला मंजूरी

राज्य मंत्रिमंडळाच्या ३ जानेवारी २०१७ रोजी पार पाडलेल्या बैठकीमध्ये अनुसूचीत जाती व नवबौद्ध विद्यार्थ्यांना भोजन, निवास इतर शैक्षणिक सुविधांसाठी थेट अनुदान उपलब्ध करून देण्यासाठी आंबेडकर स्वाधार योजनेला मंजूरी देण्यात आली आहे.

योजनेची वैशिष्ठ्ये

@ राज्यातील अकरावी, बारावी आणि त्यानंतरच्या व्यावसायिक तसेच बिगर क्यावसायिक अभ्यासक्रमामध्ये प्रवेश मिळालेल्या, परंतु कोणत्याही शासकीय किंवा महाविद्यालयाच्या वसतिगृहात प्रवेश न मिळालेल्या अनुसूचीत जाती व नवबौद्ध विध्यर्थ्यांसाठी ही योजना आहे.

@ या योजनेची अमलबजावणी २०१६-१७ या आर्थिक वर्षापासून करण्यात येणार आहे.

@ या योजनेचा लाभ जिल्हानिहाय गुणवत्ता यादिनुसार सुमारे २५,००० विद्यार्थ्यांना होणार असून त्याकरिता शासन दरवर्षी १२१ कोटी खर्च करणार आहे.

@ विद्यार्थ्यांना दिली जाणारी वार्षिक रक्कम आधार क्रमांकाशी संलग्न बँक खात्यामध्ये थेट वितरित करण्याचा निर्णय घेण्यात आला आहे.